မင်္ဂလာညနေခင်းပါ ခင်ဗျာ။
အပိုင်း ( ၂ )
ဘာကြောင့် “ဆေးဆိုင်” မှာ ဝယ်သင့်တာလဲ?
ဆေးဘူးမှာ သတ်မှတ်ထားသည့်အပူချိန်အတိုင်း ဆေးရောင်းသောဆေးဆိုင်ကို “ဆေးဆိုင်” ဟု ခေါ်ကြောင်း အပိုင်း ( ၁ ) တွင် တင်ပြထားခဲ့သည်။
၁။ သတ်မှတ်အပူချိန်အတိုင်း လိုက်နာသောဆေးဆိုင်မှ ဆေးသာ အရည်အသွေးအပြည့်အဝနီးပါးရမည်။ သတ်မှတ် သက်တမ်း ( Expiry Date ) အပြည့်ရမည်။
၂။ ဆီးချိုထိုးဆေးများ ဆရာဝန်က သတ်မှတ်ပေးသောပမာဏ ( Unit ) ထိုးရုံနှင့် အဆင်ပြေမည်။ ကာကွယ်ဆေးများ ဆေးအောင်မည်။
၃။ စိတ်ချရသောဆေးဖြစ်၍ ရောဂါအမြန်သက်သာပျောက်ကင်းမည်။ အသက်ရှည်မည်။
ဘာကြောင့် “စျေးဆိုင်” မှာ မဝယ်သင့်တာလဲ?
ဆေးဘူးမှာ သတ်မှတ်ထားသည့်အပူချိန်အတိုင်း မလိုက်နာဘဲ ဆေးရောင်းသောဆေးဆိုင်ကို “စျေးဆိုင်” ဟု ခေါ်သင့်ကြောင်း အပိုင်း ( ၁ ) တွင် တင်ပြထားခဲ့သည်။
၁။ သတ်မှတ်အပူချိန်အတိုင်း မလိုက်နာသောဆေးဆိုင် ( စျေးဆိုင် ) မှ ဆေးသည် အရည်အသွေးလျော့မည်။ သတ်မှတ် သက်တမ်း ( Expiry Date ) အပြည့်မရနိုင်ပါ။
၂။ ဆီးချိုထိုးဆေးများ ဆရာဝန်က သတ်မှတ်ပေးသောပမာဏ ( Unit ) နှင့် အဆင်မပြေ၍ ပမာဏထပ်တိုးတိုးကာ ထိုးရနိုင်သည်။ ကာကွယ်ဆေးများထိုးပေမဲ့ ဆေးမအောင်ပါ။
၃။ စိတ်မချရသောဆေး၊ အရည်အသွေးလျော့သောဆေးဖြစ်၍ ရောဂါမသက်သာပါ။ ရောဂါမပျောက်ပါ။ တခြားဘေးထွက်ဆိုးကျိုးများဖြစ်လာနိုင်သည်။
“ဆေး” ဝယ်ပါ။ “စျေး” မဝယ်ပါနှင့်။
အိမ်သုံးဆေးဝါးများအကြောင်း ပိုသိရအောင်၊ ပိုနားလည်အောင်၊ အယူအဆမမှားအောင် တင်ပြခြင်းဖြစ်ပါသည်။
ကျေးဇူးတင်ပါသည် ခင်ဗျာ။